ОБЭРВАРТ. АЎСТРЫЯ. Аўстрыйская партыя правага накірунку “Партыя Свабоды” абрала сёньня новага лідара. У часе пазачарговага з’езду партыі ім стаў Матыяс Райхольд. Райхольд, за якога прагаласавалі 93 % дэлегатаў, зьменіць на пасадзе лідара партыі Ёрга Гайдэра.
Новы лідар заявіў, што галоўнай ягонай задачай ёсьць аб’яднаньне партыі, якая апошнім часам падзялілася ў пытаньнях падаткавай рэформы ды хуткасьці пашырэньня Эўрапэйскага зьвязу.