ВАШЫНГТОН. Дзяржсакратар Злучаных Штатаў Колін Паўэл паведаміў, што ён разам з іншымі сябрамі Рады Рады бясьпекі Арганізацыі Аб’яднаных нацыяў рыхтуе новую рэзалюцыю ААН у справе Іраку. Паведамляецца, што ЗША настойваюць на моцнай рэзалюцыі, якая ўтрымлівала б патрабаваньне аб разбраеньні Іраку. Вашынгтон таксама хоча, каб ў тэксьце рэзалюцыі была ўзгадка пра сур’ёзныя наступствы, у выпадку, калі Багдад не падпарадкуецца волі міжнароднай супольнасьці.