КІЕЎ. Сёньня ўкраінская апазыцыя праводзіць масавыя акцыі пратэсту ў сувязі з другой гадавінай зьнікненьня ўкраінскага журналіста Гэоргія Гангадзе. Асноўнае патрабаваньне дэманстрантаў – адстаўка прэзыдэнта Леаніда Кучмы, якога абвінавачваюць у датычнасьці да зьнікненьня й забойства Гангадзе. У мінулым тыдні кіеўскі суд забараніў правядзеньне мітынгаў у цэнтры сталіцы, аднак арганізатары пратэсту заявілі, што плянуюць перанесьці акцыю ў цэнтар Кіеву.