НЬЮ-ЁРК. Прэзыдэнт Пакістану Пэрвэз Мушараф, выступаючы на сэсіі Генэральнай асамблеі ААН, абвінаваціў Індыю ў дзяржаўным тэрарызме. Паводле Мушарафа, карані тэрарызму не ў рэлігіі, а ў адчуваньні бясьсільля перад нясправядлівасьцю і каляніялізмам. Пакістанскі прэзыдэнт зьвярнуўся да ААН з просьбай ужыць свае ўплывы і дапамагчы распачаць зь Індыяй канструктыўны дыялёг з мэтай вырашыць спрэчку вакол Кашміру.