КАНДАГАР. Афганскі ўрад прапанаваў грашовую кампэнсацыю сям’і васямнаццацігадовага хлопца Азімулаха Хаксара, які спрабаваў прадухіліць замах на прэзыдэнта Афганістану Хаміда Карзая. Бацька хлопца паведаміў, што за геройства сына ўрад абяцаў сям’і 11 тысячаў даляраў. Хаксар першы спрабваў абясшкодзіць чалавека, які страляў ў Карзая, перш чым яго застрэлілі амэрыканскія ахоўнікі афганскага прэзыдэнта. Сёньня Хамід Карзай накіраваўся ў Злучаныя Штаты, дзе ён возьме ўдзел у адзначэньні гадавіны тэракту 11 верасьня.