ГАНОВЭР. Кіраўнікі Францыі і Нямеччыны выступілі супраць магчымай аднабаковай вайсковай акцыі Злучаных Штатаў у Іраку.
Канцлер Нямечычыны Гэрхард Шродэр і прэзыдэнт Францыі Жак Шырак сустрэліся ўчора ўвечары ў прыватным доме нямецкага канцлера ў Гановэры. Жак Шырак паведаміў, што Францыя чакае на рашэньне ААН у справе Багдаду. Паводле Гэрхарда Шродэра, Нямеччына ня возьме ўдзелу ў амэрыканскім нападзе на Ірак, бо гэта прывядзе да хаосу на Блізкім Усходзе. Нямецкі канцлер заявіў, што перадусім трэба спрабаваць вярнуць у Ірак вайсковых інспэктараў ААН.