ДЖЭНІН (ПАЛЕСТЫНСКАЯ АЎТАНОМІЯ). Як паведамляюць палестынскія мэдыкі, сёньня чацьвёра палестынскіх дзяцей былі параненыя, калі ізраільскія баявыя машыны пяхоты абстралялі групу падлеткаў, што кідалі ў іх камяні ў горадзе Джэнін на Заходнім Беразе Ярдану. Тым часам сёньня ізраільскі прэм”ер Арыель Шарон выключыў магчымасьць ліквідацыі гэбрайскіх паселішчаў на Заходнім Беразе, бо, паводле ягоных словаў, гэта магло б быць успрынятае як праява слабасьці.