МАДРЫД. Мадрыцкi футбольны клюб “Рэал” абвесьцiў пра пераход у свае шэрагi знакамiтага бразiльскага нападнiка Ранальда. “Рэал” заплоцiць за Ранальда 35 мiльёнаў эўра мiлянскаму “Інтэру”, дзе дагэтуль гуляў бразiлец. Пра дамову было абвешчана пасьля некалькiх тыдняў перамоваў. Мiнулай начы завершыўся тэрмiн дзеля пагадненьняў памiж эўрапейскiмi клюбамi пра пераход футбалiстаў.