КАБУЛ. Кіраўнік узброеных сілаў Злучаных Штатаў у Афганістане паведаміў сёньня, што калі лідар тэрарэстычнай арганізацыі “Аль-Кайда” Усама бін Лядэн жывы, то ён абавязкова будзе знойдзены. У той самы час, у Кабуле каля будынку, дзе месьціцца прадстаўніцтва ААН выбухнула бомба. Паводле дадзеных паліцыі, адна цывільная асоба параненая. Будынак не пацярпеў. Вядзецца сьледзтва.