ПЭКІН. У Кiтаi 8 гарнякоў лiчацца зьнiклымi бязь зьвестак у вынiку затапленьня вугальнай капальнi ў цэнтральнай правiнцыi Хунань. Агентва “Сiньхуа” паведамiла, што на паверхню ратавальнiкi здолелi падняць 21-го чалавека. Толькi летась у вынiку аварыяў на кiтайскiх шахтах загiнулi каля сямi тысячаў гарнякоў.
Тым часам, ва Ўкраiне на капальнi “Чайкiна” ў Данецкай вобласьцi загiнулi 2 гарнякi. Іх раздушыла ваганетка. Ад пачатку году на вугальных прадпрыемствах Украiны загiнулi каля дзьвюхсот чалавек.