ГААГА. Рэзка пагоршыўся стан здароўя Слабадана Мiлошавiча. Паводле судзьдзi мiжнароднага трыбуналу Рычарда Мэя, якi спаслаўся на дадзеныя мэдычнага абсьледаваньня, 60-гадоваму экс-прэзыдэнту Югаславii пагражае iнфаркт. Мiлошавiчу прад’яўленыя абвiнавачаньнi ў злачынствах супраць чалавечнасьцi паводле 66 пунктаў. Ён адмовiўся ад паслугаў адвакатаў i сам абараняе сябе на судовым працэсе ў Гаазе.