БУДАПЭШТ.Ўчора адная з канзэрватыўных вугорскіх газэтаў абвінаваціла сёньняшняга прэм’ер-міністра Вугоршчыны Петера Мэдз’есі ў супрацоўніцтве з камуністычнымі спэцслужбамі.
Мэдз’есі быў вымушаны прызнаць, што напрыканцы сямідзесятых гадоў працаваў экспэртам у галіне міжнародных фінансаў у вугорскай контрвыведцы.
Вугорскі прэм’ер заявіў, што гатовы падаць у адстаўку. Дэпутаты кааліцыі, у якую ўваходзяць свабодныя і сацыялістычныя дэмакраты, сёньня сустрэнуцца, каб абмяркаваць магчымыя зьмены ў кіраўніцтве краіны.