ПЭКІН. Сёньня раніцай у адным зь нелегальных інтэрнэт-бараў у унівэрсітэцкім гарадку ў Пэкіне адбыўся пажар. Загінулі 24 чалавекі і яшчэ 13 былі параненыя. У Пэкіне, дзе, як і ва ўсім Кітаі, карыстаньне інтэрнэтам жорстка кантралюецца, легальна працуе толькі 200 інтэрнэт-бараў з амаль 2400. У сувязі з пажарам пэкінскія афіцыйныя ўлады забаранілі дзейнасьць практычна ўсіх астатніх падобных установаў.