Г’ЮСТАН (ЗЛУЧАНЫЯ ШТАТЫ). Фэдэральны суд Злучаных Штатаў прызнаў аўдытарскую фірму Артур Андэрсэн вінаватай у перашкодзе сьледзтву ў справе банкруцтва энэргетычнай кампаніі Энрон. 12 прысяжных выявілі, што фірма Андэрсэн наўмысна зьнішчыла тысячы дакумэнтаў свайго кліента – кампаніі Энрон, каб схаваць іх ад праверкі Камісіі каштоўных папераў і біржаў Злучаных Штатаў. Фірме Андэрсэн пагражае забарона правядзеньня аўдыту ў публічных кампаніях і буйныя штрафы.