(Брусэль) Міністры абароны 19 краінаў НАТА сёньня распачалі сустрэчу ў справе абмеркаваньня рэформаў Паўночна- Атлянтычнага альянсу.Генэральны сакратар НАТА Джордж Робертсан на пачатку сустрэчы заявіў, што міністры будуць абмяркоўваць магчымасьці сумеснага супрацоўніцтва, каб пераадолець разыходжаньні ва ўзаемаадносінах з ЗША. У часе сустрэчы павінна быць таксама вызначаная новая роля НАТА ў барацьбе з тэрарызмам і рэформы, патрэбныя для забесьпячэньня гарантаванай эфектыўнай працы альянсу пасьля яго пашырэньня