(Вашынгтон) Прэзыдэнт ЗША Джордж Буш плянуе правесьці самую буйную ад 1947 году перабудову структураў нацыянальнай бясьпекі. Па словах прадстаўніка Белага Дому Ары Флэйшэра, у часе сёньняшняга звароту да амэрыканцаў Буш зьбіраецца абнародваць свой плян стварэньня новага агенцтва. Галоўнымі яго задачамі будуць назіраньне за бясьпекай межаў, падрыхтоўка да няпрадбачных сытуацыяў, выпрацоўка мераў, накіраваных супраць біятэрарызму, а таксама абарона інфраструктуры краіны. Ідэя стварэньня такой новай арганізацыі яшчэ мусіць атрымаць падтрымку Кангрэсу ЗША