ЕРУСАЛІМ. На поўначы Ізраілю – новы тэрарыстычны акт. Загінулі 17 чалавек, больш 40-ка – параненыя. Сярод параненых – жыхарка Менску. Палестынскі самагубца выбухнаў бомбу каля пасажырскага аўтобусу ў раёне места Мэгіда. Адказнасьць за тэракт узяла на сябе групоўка Хамас. У адказ у Джэнін былі ўведзеныя ізраільскія войскі, баявыя гелікоптэры збамбавалі аб’екты ў ваколіцах Джэніну. Ізраільскі ўрад усклаў адказнасьць за гэты тэракт на палестынскага лідэра Ясіра Арафата.