ДЭЛІ. Індыя паведаміла пра тое, што яна захоўвае спакой у сувязі з выпрабаваньнем Пакістанам другі дзень запар ракетаў сярэдняга і блізкага радыюсу дзеяньня. Міністэрства Замежных Справаў Індыі заявіла, што запушчаная сёньня ракета «належыць да патаемна набытых Пакістанам запасаў і яе запуск учынены зь меркаваньняў унутранай прапаганды». Заўтра пакістанскі прэзыдэнт Пэрвэз Мушараф выступіць са зваротам да народу ў сувязі з напружанасьцю на мяжы зь Індыяй.