БЭРЛІН. Сёньня прэзыдэнт ЗША Джордж Буш прыляцеў у Маскву. Перад вылетам з Бэрліну, у часе сумеснай прэсавай канфэрэнцыі з канцлерам Нямеччыны Гэрхардам Шродарам, Буш заявіў, што на цяпер няма ніякага канкрэтнага пляну атакі супраць Іраку. Прэзыдэнт ЗША папярэдзіў, што сытуацыя можа стаць вельмі небясьпечнай калі Ірак пачне падтрымліваць тэрарыстычную сетку Аль Кайда. У сваю чаргу Шродар заявіў, што ЗША гарантавалі яму ўзаемныя кансультацыі у выпадку падрыхтоўкі вайсковай апэрацыі супраць Іраку.