ЕРУСАЛІМ Міжнародныя арганізацыі ацанілі шкоду ад вайсковай апэрацыі Ізраілю на Заходнім беразе ракі Ярдан ў 361 мільён даляраў. Арганізацыі-донары, сярод якіх Усясьветны банк, Эўразьвяз і Агенцтва эканамічнага разьвіцьця ЗША выказалі намер выдаткаваць ня менш за 150 мільёнаў даляраў на першачарговыя праекты адбудовы. Але донары кажуць, што шмат будзе залежыць ад таго, насколькі хутка Ізраіль здыме абмежаваньні на дзейнасьць на пацярпелых тэрыторыях.