БРУСЭЛЬ Эўрапейская камісія вітае заклік палестынскага лідэра Ясіра Арафата да шырокамаштабных палітычных рэформаў у палестынскай аўтаноміі і асуджэньне Арафатам тэрактаў супраць ізраільцаў. Выступаючы сёньня падчас адмысловай сэсіі палестынскай заканадаўчай рады, Арафат заявіў, што трэба правесьці выбары, каб падзяліць заканадаўчую, выканаўчую і судовыя галіны ўлады ў палестынскай аўтаноміі. Прэсавы сакратар Белага Дома Ары Фляйшэр назваў заяву Арафата пазытыўнай, аднак адзначыў, што прэзыдэнт Буш чакае ад палестынскага лідэра канкрэтных дзеяньняў.