БЯЛГРАД. Сёньня ў Гаагу прыяжджае былы лідар харвацкіх сэрбаў Мілан Марціч, які дабраахвотна паўстане перад Міжнародным трыбуналам у справе ваенных злачынстваў. Яго абвінавачваюць у тым, што ў 1995 годзе ён загадаў абстраляць ракетамі сталіцу Харватыі – Заграб. У часе абстрэлу сем чалавек загінулі і дзясяткі былі параненыя. Адвакат Марціча заявіў, што ягоны падабаронны аддае сябе ў рукі міжнароднага правасудзьдзя, каб “аднавіць сваю рэпутацыю”.