ВАШЫНГТОН
Прадстаўнікі Пэнтагону паведамілі, што амэрыканскім вайсковым кантынгэнтам у Афганістане знойдзеныя два вялікія склады ўзбраеньняў, якія належылі тэрарыстычнай арганізацыі Аль-каеда і Талібану. Адзін арсэнал быў знойдзены каля гораду Гэрат на паўночным захадзе Афганістану, другі – на ўсходзе, каля гораду Аргун. На складзе знаходзіліся 5 танкаў Т-54, 15 тысячаў мінамётных снарадаў, 600 гранатаў і каля 800 тысячаў аўтаматных куляў. Частка ўзбраеньняў будзе зьнішчаная, а тая, якую можна выкарыстаць, будзе перададзеная афганскай ўрадавай арміі