БІШКЕК. Народны Сход верхняя палата кыргыскага парлямэнту – сёньня адмовілася прыняць спрэчнае тэрытарыяльнае пагадненьне з Кітаем. За пагадненьне, на моцы якога Кыргызстан мае саступіць Кітаю 95 тысячаў гектараў зямлі, для прыняцьця якога было неабходна дзьве траціны галасоў, прагаласавала менш за палову дэпутатаў парлямэнту. Сёньня ў Кыргызстане працягваліся пратэсты супраць згаданага пагадненьня. Удзельнікі пратэстаў заблякавалі галоўную дарогу з поўначы на поўдзень краіны.