ПАРЫЖ. Новы прэм’ер-міністар Францыі Жан-П’ер Рафарэн сёньня абвясьціў склад першага за пяць гадоў правацэнтрысцкага ўраду Францыі. Міністарм замежных справаў прызначаны кіраўнік адміністрацыі прэзыдэнта Шырака Дамінік дэ Вільпэн. Мішэль Аліёт-Мары, лідэр Шыракавай партыі Аб’яднаньне ў Падтрымку Рэспублікі, стане першай у гісторыі Францыі жанчынай, якая зойме пасаду міністра абароны. Новы ўрад прыйшоў на зьмену кабінэту сацыяліста ЛІянэля Жаспэна, які падаў у адстаўку пасьля паразы ў першым туры прэзыдэнцкіх выбараў.