СЭУЛ. Як паведамляе ўрад Паўдзённай Карэі, як найменей 115 чалавек загінула ў выніку катастрофы самалёта кітайскай авіякампаніі каля паўдзённакарэйскага гораду Пусан. Карэйскія ратаўнікі дагэтуль знайшлі 39 ацалелых пасажыраў самалёта, якія цяпер праходзяць лячэньне ў шпіталі. Нязнойдзенымі застаюцца яшчэ 13 чалавек. На борце самалёта на час катастрофы было 136 карэйцаў, 18 кітайцаў, адна узбэчка і 12 чалавек каманды.