Ерусалім. На Заходнім Беразе Ярдану пачаўся пошук целаў палестынцаў, якія загінулі падчас больш як двухтыднёвых сутыкненьняў з ізраільскімі вайскоўцамі. Пошук праводзяць супрацоўнікі Чырвонага Крыжа пад кантролем ізраільскіх жаўнераў. Палестынцы сьцьвярджаюць, што колькасьць ахвяраў вымяраецца сотнямі. Царква Нараджэньня Хрыстовага ў Бэтлееме па-ранейшаму знаходзіцца ў аблозе ізраільскіх танкаў. З 2 красавіка ў царкве знаходзяцца 200 узброеных палестынцаў.