ТАШКЕНТ. Кіраўнік Усясьветнага Банку Джэймс Вулфэнсан заклікаў Узбэкістан паскорыць эканамічныя рэформы. Ён зрабіў адпаведную заяву ў Ташкенце ў апошні дзень свайго візыту ў краіны Цэнтральнай Азіі. Падчас двухдзённага побыту ва Ўзбэкістане Вулфэнсан падпісаў 40-мільённую праграму пазыкі, скіраваную на паляпшэньне сыстэмы водазабесьпячэньня старажытных гарадоў Самарканд і Бухара.