ЕРУСАЛІМ. Кіраўнік Лігі Арабскіх Краінаў Амр Муса абсалютна выключыў магчымасьць таго, што арабскія лідэры пагодзяцца сустрэцца зь ізраільскім прэм’ерам Арыэлем Шаронам. Шарон выказаў жаданьне абмеркаваць мірнае пагадненьне з «памяркоўнымі і адказнымі» арабскімі лідэрамі. Палестынская адміністрацыя адхіліла сёньня Шаронаву прапанову, цьвердзячы, што той спрабуе навязаць сваю волю арабскаму сьвету, «зьліквідаваўшы легітымнае кіраўніцтва палестынскага народу».