СЭЎЛ
Прадстаўнік міністэрства Аб’яднаньня Паўднёвай Карэі сказаў, што прэзыдэнцкі пасланьнік Лім Донг Вон сустрэўся сёньня ў Пхэн’яне з прэзыдэнтам Паўночнай Карэі Кім Чон Ірам. Пасланьнік перадаў яму ліст ад прэзыдэнта Кім Дэ Джуна з заклікам да прымірэньня і супрацоўніцтва. Прызначаныя раней перамовы Лім Донг Вона з лідэрамі камуністычнай партыі ў Пхэн’яне не адбыліся без тлумачэньняў прычынаў.