ЕРУСАЛІМ. Ізраільскі кабінэт міністраў заяўляе, што Ізраіль зробіць усё, каб цалкам ізаляваць лідэра палестынцаў Ясіра Арафата. Ізраільскія танкі ўвайшлі сёньня раніцай у горад Рамалах на заходнім беразе Ярдану і атачылі штаб-кватэру лідэра палестынцаў Ясіра Арафата. Міністар інфармацыі Палестыны Ясір Рабо паведамляе, што ізраільскія бульдозэры пачалі разбураць агароджу вакол лягеру. У сутыкненьнях з ізраільскімі вайскоўцамі былі параненыя прынамсі 5 палестынцаў. Сёньня ўначы ізраільскі кабінэт абмяркоўваў, якія захады зрабіць у адказ на апошні тэракт палестынца-самагубцы, у выніку якога загінуў 21 ізраілец і звыш ста былі параненыя. Учора Ясір Арафат заявіў, што палестынцы гатовыя пачаць неадкладнае і безумоўнае спыненьне агню з Ізраілем. У чацьвер увечары ў габрэйскім паселішчы на Заходнім беразе Ярдану палестынец забіў чатырох ізраільцаў. Адказнасьць на сабе ўзяла групоўка “Хамаз”.