БЭЙРУТ. Галоўная тэма сустрэчы ў вярхох Лігі арабскіх краінаў, што пачынаецца ў сераду ў ліванскай сталіцы – плян мірнага разьвязаньня ізраільска-палестынскага канфлікту, які прапанаваны Савудаўскай Арабіяй. Ён прадугледжвае прызнаньне арбскімі дзяржавамі Ізраілю ў абмен на поўны вывад ізраільскіх войскаў з палестынскіх тэрыторыяў.
Міністры замежных справаў арабскіх краінаў, што сабраліся напярэдадні сустрэчы ў Бэйруце, заявілі, што імкнуцца да міру на Блізкім Усходзе, але ня коштам капітуляцыі. Кіраўнік МЗС Лівану Махмуд Гамуд сказаў, што арабскі сьвет ня пойдзе на саступкі, якія парушаюць законныя правы палестынцаў.