ЕРУСАЛІМ. Адмысловы пасланец Злучаных Штатаў Энтані Зыні прыляцеў сёньня на Блізкі Ўсход з мэтай пасярэдніцтва ў перамовах паміж Ізраілем і Палестынскай адміністрацыяй. Сёньня Зыні плянуе сустрэцца зь ізраільскім прэм’ерам Арыэлем Шаронам, а заўтра правядзе перамовы з палестынцамі. Палестынскае кіраўніцтва адмовілася распачаць перамовы аб замірэньні пакуль Ізраіль ня спыніць свой наступ на палестынскія тэрыторыі. Ваенізаваная групоўка «Хамас» заявіла, што будзе працягваць атакі супраць Ізраілю і падчас візыту Зыні.