ЕРУСАЛІМ. Узброены палестынец учора ўвечары ўварваўся ў гэбрайскае паселішча ў Паласе Газа, забіў чатырох ізраільцаў і параніў як найменей 18, пасьля чаго быў забіты ізраільскімі вайскоўцамі. Адказнасьць за гэты акт узяла на сябе ваенізаваная арганізацыя «Хамас». У адказ Ізраіль абстраляў ракетамі аб’екты палестынскай паліцыі ў Газе і Бэтлееме. У выніку абстрэлу ў Газе загінула тры чалавекі. Яшчэ трое палестынцаў было забіта, калі ізраільскія вайсковыя аддзелы ўвайшлі ў вёску на поўдні Паласы Газа.