ПАРЫЖ. Апошняя кашуля, якую імпэратар Напалеон насіў перад сьмерцю, выстаўляецца на продаж на аўкцыёне ў горадзе Фантэнблё пад Парыжам. Кашуля была захаваная верным паплечнікам Напалеона Люі-Эцьенам Сэн-Дэні пасьля сьмерці імпэратара ў 1821 годзе. Яна ацэньваецца ў 10 тысячаў эўра і ўяўляе сабою частку калекцыі памятных рэчаў Напалеона, якія будуць выстаўленыя на продаж у нядзелю.