КАБУЛ. Афганскія палявыя камандзеры выступаюць за спыненьне міжэтнічных сутычак і аб’яднаньне намаганьняў дзеля забесьпячэньня бясьпекі і тэрытарыяльнай цэласнасьці краіны. Сёньня ў Кабуле з удзелам адмысловага пасланца ААН Лахдара Брахімі адбылася перошая нарада сябраў часовага ўраду Афганістану і палявых камандзераў у пытаньнях бясьпекі і стварэньня нацыянальнага войска. Міністар абароны Махамад Фахім падкрэсьліў, што будучае афганскае войска не павінна стаць зброяй у палітычнай барацьбе.