АЛМАТЫ. Расейскі прэзыдэнт Уладзімір Пуцін выказаў згоду на плянаванае разьмяшчэньне амэрыканскіх вайскоўцаў у Грузіі, нягледзячы на ранейшыя пратэсты расейскіх афіцыйных асобаў. Міністэрства Абароны Грузіі сёньня пацьвердзіла, што амэрыканскія ваенныя спэцыялісты прыляцяць у Грузію ў гэтым месяцы, каб дапамагчы грузінскім службам бясьпекі затрымаць тэрарыстаў «Аль-Каіды» у Панкіскай цясьніне на мяжы з Чачэніяй.