ДЭЛІ. Каля 200 чалавек сталі ахвярамі рэлігійных сутычак на захадзе Індыі цягам апошніх двух сутак. Сёньня ў горадзе Ахмадабад у штаце Гуджарат працягваліся сутычкі паміж прыхільнікамі радыкальных індуісцкіх і мусульманскіх груповак. Па ўсёй Індыі войскі прыведзеныя ў стан павышанай баегатовасьці. У шэрагу гарадоў штату Гуджарат абвешчаны камэнданцкі час. Парлямэнт Індыі сабраўся на надзвычайнае паседжаньне.