БЯЛГРАД. Парлямэнт Сэрбіі ў рамках рэформы крымінальнага права сёньня адмяніў у краіне сьмяротнае пакараньне. Цяпер найвышэйшай мерай пакараньня будзе 40-гадовае зьняволеньне. На гэты момант у Сэрбіі пакараньня сьмерцю чакалі 26 чалавек. У новым крымінальным кодэксе злачынствам будзе лічыцца наўмыснае заражэньне цяжкой хваробай, неадпаведнае мэдычнае лячэньне, выраб і продаж небясьпечных для здароўя харчовых прадуктаў. Прадугледжваюцца больш жорсткія пакараньні ў выпадку карупцыі.