ВІЛЬНЯ. Літоўскі прэзыдэнт Валдас Адамкус выказаўся сёньня супраць ціску на Літву з боку Эўразьвязу з патрабаваньнем да 2009 году зачыніць Ігналінскую АЭС. Адамкус заявіў, што Літва сама будзе вырашаць, калі ёй зачыніць станцыю. Эўразьвяз папярэдзіў, што не прызнае перамовы аб уступленьні закончанымі, пакуль Літва не пагодзіцца зачыніць АЭС да 2009 году. Учора камісія літоўскага Сойму парэкамэндавала не зачыняць Ігналінскую АЭС раней за 2013 год. Літва спадзяецца далучыцца да Эўразьвязу ў 2004 годзе.