ГААГА. Увесь сёньняшні дзень на працэсе ў Міжнародным трыбунале ў Гаазе ў справе Слабадана Мілошавіча выступаў сам Мілошавіч, які заявіў, што змагаўся з тэрарызмам на Балканах, а выстаўленыя яму абвінавачаньні цалкам сфабрыкаваныя. Паводле ягонай просьбы, быў паказаны нямецкі дакументальны фільм, у якім шэраг заходніх палітыкаў называюць ваенную кампанію НАТО ў Косаве ў 1999 годзе парушэньнем міжнароднага права. Заўтра Мілошавіч працягне свой выступ.