ВАШЫНГТОН. Прэм’ер-міністр Ізраілю Арыэль Шарон, які знаходзіцца зь візытам у ЗША, пасьля перамоваў з прэзыдэнтам Джорджам Бушам заявіў, што Ясір Арафат зьяўляецца перашкодай на шляху да аднаўленьня мірнага працэсу, бо ён абраў шлях тэрору і ўжо нават стварыў тэрарыстычную кааліцыю. На думку Шарона, трэба ўзмацніць ціск на Арафата, каб ён вызваліў месца для альтэрнатыўнага кіраўніцтва ў будучыні.