ТЭГЕРАН
Міністр замежных справаў Ірану Камал Харазі заклікаў ЗША прадставіць доказы таго, што сябры тэрарыстычнай групоўкі Аль-Каеда пераходзілі праз мяжу з Афганістану ў Іран. На прэсавай канферэнцыі ў Тэгеране Харазі адрынуў абвінавачваньні амэрыканцаў, нібыта Іран дазваляе талібам пераходзіць праз сваю мяжу. Ён, аднак, прызнаў, што доўгую, аддаленую і гарыстую мяжу намагчыма цалкам зачыніць. Міністр замежных справаў Ірану адхіліў абвінавачваньні ЗША ў тым, што Іран распрацоўвае зброю масавага зьнішчэньня.