ПОРТУ-АЛЕГРЫ (БРАЗЫЛІЯ). Каля 13 тысячаў эканамістаў, палітыкаў і грамадзкіх дзеячоў сабраліся сёньня ў Порту-Алегры на Ўсясьветны Сацыяльны Форум – у супрацьвагу Ўсясьветнаму Эканамічнаму Форуму ў Нью-Ёрку. На альтэрнатыўны форум сабраліся прыхільнікі антыглябялісцкага руху, якія цьвердзяць, што эканамічныя тэндэнцыі, прадстаўленыя на нью-ёркскім форуме спрыяюць пашырэньню беднасьці і глябальнай няроўнасьці.