Моцны ўраган прайшоў па Беларусі, Заходняй Украніне і Калінінградзкай вобласьці Расеі.
У Беларусі ў выніку ўчорашняга ўрагану пацярпелі сотні населеных пунктаў. Разбурана больш як 300 дамоў, пашкоджаныя дзясяткі кілямэтраў лініяў электраперадачаў.
У Львоўскай і Івана-Франкоўскай абласьцях Украіны дзясяткі паселішчаў засталіся без электрычнасьці. У Калінінградзе было спыненае энэргазабесьпячэньне 750 дамоў. Некалькі чалавек у Калінінградзкай вобласьці былі забітыя дрэвамі, зламанымі ўраганам.