ТАШКЕНТ. Цэнтарвыбаркам Узбэкістану паведамляе, што паводле папярэдніх дадзеных, прыблізна 91% тых, хто ўзяў удзел ва ўчорашнім рэфэрэндуме, выказаліся за падаўжэньне тэрміну прэзыдэнцкіх паўнамоцтваў для кіраўніка краіны з пяці да сямі гадоў. Усяго ж у рэфэрэндуме ўзялі ўдзел 92% зарэгістраваных выбаршчыкаў. Прэзыдэнт Узбэкістану Іслям Карымаў адмовіўся паведаміць, ці будзе ён ужываць вынікі рэфэрэндуму пасьля другога прэзыдэнцкага тэрміну на прыканцы 2005 году. Апошнія прэзыдэнцкія выбары ва Ўзбэкістане Злучаныя Штаты ахарактарызавалі як несправядлівыя.