КАБУЛ. На поўначы Афганістану сёньня адбыліся ўзброеныя сутыкненьні паміж варагуючымі групоўкамі “Паўночнага альянсу”. Адзьдзелы Абдурашыда Дустума, намесьніка міністра абароны краіны, выбілі сілы былога прэзыдэнта Бурганудзіна Рабані з аднаго з раёнаў непадалёку ад Кундузу. Прадстаўнік ААН у Афганістане Франсэск Вэндрэл заявіў, што дзеля кантролю над сытуацыяй у краіне трэба тэрмінова разьмясьціць міжнародныя сілы ня толькі ў сталіцы, але і ў іншых раёнах краіны.
Тым часам, кіраўнік часовага ўраду Афганістану Хамід Карзаі знаходзіцца зь візытам у Кітаі, дзе вядзе перамовы зь кіраўніцтвам краіны.