ВЕНА. Лідэры кіруючай “Аўстрыйскай народнай партыі” паведамілі, што партыя не накладзе вета на далучэньне Чэхіі да Эўразьвязу, нягледзячы на магчымы ціск з боку іх каліцыйнага партнэра – Партыі Свабоды.
Мінулым тыднем Партыя Свабоды вынесла на разгляд парлямэнту прапанову, каб Аўстрыя выступіла супраць уступленьня Чэхіі ў Эўразвяз, калі ня будзе зачыненая Тэмелінская атамная станцыя.
Партыя цьвердзіць, што станцыя нясе небясьпеку Аўстрыі.
Заява Партыі Свабоды выклікала новую хвалю дыскусіяў паміж Прагай і Венай.
Вынікі разгляду пытаньня ў аўстрыйскім парлямэнце будуць абвешчаныя сёньня ўвечары.