ГААГА. Былы прэзыдэнт Югаславіі Слабадан Мілошавіч чарговы раз заявіў, што не прызнае паўнамоцтваў Міжнароднага трыбуналу ААН.
У часе сёньняшніх папярэдніх слуханьняў у Гаазе, судзьдзя Рычард Мэй адрынуў гэтую заяву экс-прэзыдэнта.
Пачатак судовага працэсу прызначаны на 12 лютага. Трыбунал разгледзіць абвінавачаньні ў этнічных чыстках альбанцаў у Косаве ў 1999 годзе.
Апрача гэтага, Мілошавіч абвінавачваецца ў ваенных злачынствах і гэнацыдзе ў Босьніі і Харватыі ў 1992-1995 гадох. Судовае разьбіральніцтва паводле гэтых пунктаў абвінавачаньня вылучанае ў асобную вытворчасьць.