БАНГІ, АФГАНІСТАН
Працягваюцца перамовы аб здачы талібамі абложанага на поўначы Афганістану гораду Кундуз. Паступаюць сьведчаньні аб пэўным расколе сярод лідараў Паўночнага альянсу. Паведамляецца, што талібы дасягнулі пагадненьня наконт умоваў здачы Кундузу з гэнералам Рашыдам Дустумам, лідарам афганскіх узбекаў. Паводле Дустума, здача павінна адбыцца ў нядзелю. Ключавым пунктам пагадненьня застаецца лёс тысячаў замежных наёмнікаў, што ваююць на баку талібаў. Аднак сілы, ляяльныя да зрынутага талібамі прэзыдэнта Афганістану Рабані-этнічнага таджыка, незадаволеныя гэтым пагадненьнем і атакуюць Кундуз. Тым часам авіяцыя ЗША працягвае бамбаваньне тунэляў і пячораў у Афганістане, якія маглі выкарыстоўвацца як сховішчы для сябраў тэрарыстычнай арганізацыі Аль-Каеда